දුප්පත්කම හැරෙන්නට , වෙනත් කිසිවක් දුකක් නොවිඳ ලබාගත නො හැකිය
ජීවිතයෙහි අපට අවැසි දේ ලබාගැනීම පහසු ක්රියාවක් නොවේ. ඒ සඳහා වෙහෙස මහන්සි විය යුතුය. බොහෝ දෙනා දියුණුවීමට කළ යුතු දෑ දනී. එහෙත් ඒ සඳහා කිසිවක් නොකරති. කිසිවක් නො කරන්නාට ජීවිතය විඳීමට අවකාශ නො ලැබේ. වෙහෙස මහන්සියෙන් තොරව ලබාගත හැක්කේ එකම දෙයකි. ඒ දුප්පත්කම පමණි. දුප්පත්කම , පසුතැවිල්ල, පරාජය වෙනුවට ජයග්රහණය කරා පියමන් කරන්නට සිත තුළ අධිෂ්ඨානයක් ඇති කරගන්න. කෙනෙකුගේ ධෛර්යයේ ප්රමාණය අනුව , ජීවිතය විකසිත වීම තීරණය කෙරේ. ප්රමාණවත් සූදානමක් ඇතොත් කවර තරඟයකට වූවත් නොබියව මුහුණ දීමට හැකිය.
'මට ගණිතය , විද්යාව , ඉංග්රීසි අමාරුයි. අනෙක් විෂයයන් ලෙහෙසියි' සිසුවෙක් කියයි. ඉතිහාසය , භූගෝලය ට වඩා විද්යාව අමාරුවන්නේ කෙසේද? ඒ ඔබ විද්යාව,ගණිතය , ඉංග්රීසි අත්හැරිය නිසාය. එම විෂයන් අමාරු යැයි ඔබට සිතෙන තාක් කල් , ඔබේ ජයග්රහණය ඇත්තේ දුරිනි. ඒවායේ මූලික දැනුම ඔබට නැතිතාක් කල් ඒ විෂයයන්ගෙන් හොඳ ප්රථිපලයක් ඔබට ලබාගත නොහැකිය. එනිසා ඕනෑම විෂයයක් ආරම්භයේ සිටම ග්රහණය කර ගන්න. නොදත් දේ අතහැර නොදමන්න. නොදත් දේ සොයන්න. අසා දැනගන්න. ග්රහණය කරගන්න. ඒ සඳහා වැඩි වැඩියෙන් සිත යොමු කරන්න. කොතනින් හෝ අරඹන්න. ඔබ කරන දෙයින් මිස කරන්නට සිතා සිටින දෙයන් පිළිගැනීමක් ඇති නොවේ.
Posted in: Psychological secrets
